Besoni apo jo, Chuck Norris festoi ditëlindjen e tij të 84-të pak ditë më parë dhe me këtë rast ka postuar një video në Instagram.
“Mund të jem 84 vjeç, por ndihem sikur jam 48”, thotë ai me optimizëm në një video ku shihet duke goditur një çantë grushtimi, përpara se të falënderojë fansat për urimet e tyre.
Ai u bë i famshëm rastësisht
Ndërsa shërbente në ushtri në Korenë e Jugut, Norris filloi të studionte artet marciale dhe më vonë u bë kampion karateje dhe hapi një seri studiosh karateje ku stërviteshin të famshëm. Kur u miqësua me Bruce Lee, ai mori një rol në filmin “Enter the Dragon” dhe kështu hyri në botën e Hollivudit.
Megjithatë, vetëm me rolin e tij në serialin “Walker” Texas Ranger arriti statusin e tij të kultit dhe u bë një legjendë e gjallë.
Sot ai shfaqet rrallë në publik dhe prej 36 vitesh është i martuar me ish-modelen dhe aktoren Jenna O’Kelly, me të cilën ka tre fëmijë, ndërsa me ish-bashkëshorten Diane Holecek ka dy djem.