Qeveria e kryeministrit Albin Kurti, befasoi me kërkesën për Agjencinë Kadastrale të Kosovës, që ta zbatojë vendimin për tokën e Manastirit të Deçanit.
Në disa paragarafë shfajësues në mbledhjen e Qeverisë, kryeministri Kurti gati me tone vajtuese foli për faktin se ‘nuk kishin zgjidhje tjetër’, ose ‘anëtarësim në Këshillin e Evropës, me kushtin e zbatimit të vendimit për pronën e Manstirit, ose jo.
1.
“Qeverisë i është bërë e qartë nga grupet politike kryesore në Asamble që përfaqësojnë parlamentet e shteteve anëtare, nga shtetet e QUINT-it, që ne duhet të zgjedhim mes dy opsioneve: të zbatojmë vendimin e Gjykatës Kushtetuese e të na mundësohet ecja tutje me qëllim anëtarësimin në Këshill të Evropës këtë vit, apo heqjen e Kosovës nga agjenda e anëtarësimit”, do të njoftonte Kurti.
Tonaliteti shfajësues i Kurtit për një vendim që peshon rëndë mbi supet e secilës Qeveri, por ja që është vetë kundërshtari më i madh i saj, z.Kurti që e zbaton atë, kishte edhe një fjali të tillë:
2.
“E provuam me datën 5 mars që ta shtyejmë miratimin e opinionit për anëtarësim, por pa sukses, u bindëm që të zgjidhim njërin opsion, nuk ka një zgjidhje të tretë”, tha Kurti.
3.
“Si kryeministër i Republikës së Kosovës, nuk na pëlqen ai vendim i çuditshëm e i padrejtë, teksa ne si Qeveri nuk kemi më mjetë legale e juridike për ta anuluar vendimin e Gjykatës Kushtetuese. Nuk do ta ndryshoj qendrimin ndaj këtij vendimi të dëmshëm asnjëherë”, tha ai.