Kryeministri i Kosovës, Albin Kurti ka njoftuar se FSK ka pranuar 15 kamionë ushtarakë gjerman të tipit RheinMetall MAN HX2.
Ai këtë e ka parë si mbrojtje e siguri për shtetin tonë.
“Pas inaugurimit të Qendrës Shtetërore Trajnuese për Siguri Kibernetike, bashkë me ministrin e Mbrojtjes, Ejup Maqedonci dhe komandantin e Forcës së Sigurisë së Kosovës, Gjeneral Lejtënant Bashkim Jashari pamë nga afër flotën e kamionëve ushtarakë multifunksional RheinMetall MAN HX2, 8X8 të cilët i janë shtuar arsenalit të ushtrisë. Kamionët ushtarakë RheinMetall MAN HX2 janë prodhim gjerman, ku nga 15 gjithsej, 10 janë blerë me buxhet të shtetit, ndërkaq pesë janë donacion”, ka njoftuar Kurti.
Ai ka thënë se modernizimi dhe fuqizimi i ushtrisë sonë, janë qenësore drejt objektivit për anëtarësim në NATO. /Lajmi.net/