Donald Trump nuk do ta jap asnjë cent për Ukrainën, nëse rizgjedhet president i Shteteve të Bashkuara të Amerikës. Kështu tha kryeministri hungarez, Viktor Orban, pas një takim kontravers që pati më Trumpin në Florida.
“Ai nuk do ta jap asnjë cent në luftën Ukrainë-Rusi”, tha Orban për median shtetërore hungareze.
“Gjithashtu, lufta do të përfundojë sepse është e njohur tashmë se Ukraina nuk mund të qëndrojë në këmbët e veta”.
Sipas Orbanit, Trump ka ‘një plan të detajuar’ për të përfunduar luftën në Ukrainë, e cila filloi me invazionin rus para dy vitesh.
Duke e quajtur Trumpin ‘njeri i paqes’, Orban tha:
“Nëse amerikanët nuk do të japin armë dhe para, bashkë me evropianët, lufta do të përfundojë. Dhe, nëse amerikanët nuk japin para, evropianët të vetëm nuk mund ta financiojnë luftën. Dhe kështu, lufta përfundon”, tha Orban. (Kjo nënkupton që Ukraina do ta humbiste luftën përballë Rusisë, shkruan Guardian).
Siç thotë autoritari Orban, Presidenti Trump ‘ishte një president i paqes, që komandoi botën me respekt dhe që krijoi kushte për pare. Gjatë presidencës së tij, kishte paqe në Lindjen e Mesme e poashtu edhe në Ukrainë. Dhe nuk do të kishte luftë nëse ai (Trump) do të ishte ende president i Shteteve të Bashkuara. Ne u pajtuam (me Trumpin) se mund të ketë paqe, nëse liderët e botës duan paqe. Jam i lumtur që Hungaria është një nga ato vende që dëshiron paqe”./Nacionale