Në vazhdën e takimeve me anëtarë dhe simpatizantë të Aleancës për Shqiptarët, kryetari i kësaj partie, Ziadin Sela, sonte ka qëndruar në Kërçovë. Ai ishte i shoqëruar edhe nga nënkryetarja Ilire Dauti, ministri Ilir Demiri, zëvendës ministri Tiron Jajaga, ndërsa u pritën nga deputeti nikoqir, Remzi Mehmedi.
Gjatë fjalimit para kërçovarëve, Sela tha se Aleanca për Shqiptarët po rikonfirmohet si subjekt i fuqishëm dhe më i besueshëm për shqiptarët. Ai tha se edhe përkundër tentimeve për përçarje, ASH ka mbetur e bashkuar dhe po del edhe më fuqishëm në aktivitetet e fundit.
