Fatkeqësisht partia ime është e goditur nga brenda dhe ne po kalojmë një periudhë tranzicioni e cila po menaxhohet në mënyrë që dëmi të jetë sa më i pakët, në mënyrë që në zgjedhjet që na presin të 8 majit të jemi të konsoliduar. Kështu tha Krenar Lloga në emisionin “Intervistë në SHENJA”, duke shtuar se pret që bashkërisht me forcat tjera progresive të bëjnë ballë gjithë asaj që po pritet të ndodhë në Maqedoni.
“Sepse ju po shihni se edhe partia tjetër që është e ndarë nga LSDM, që është partia e kryetarit të komunës së Kumanovës, po shfaqet si një parti si motër e Levicës. Është parti e cila po shfaq të njejtën linjë komunikimi, nacionalizimi si Levica”, tha Krenar Lloga.