VLEN e prezanton sistemin “Safe City” si domosdoshmëri për mbrojtjen e jetës dhe sigurinë publike, duke theksuar se nuk bëhet fjalë për kamera apo gjoba, por për parandalimin e aksidenteve dhe humbjes së jetëve njerëzore.
Megjithatë, pas këtij diskursi moralizues, mbetet e hapur pyetja kryesore: pse rendi dhe ligji po zbatohen vetëm përmes kamerave, ndërsa problemet reale të qytetarëve mbeten të paprekura?
VLEN sulmon BDI-në për qëndrime kontradiktore dhe pazare politike, duke e akuzuar për bllokadë dhe kaos të brendshëm. Sipas tyre, refuzimi i “Safe City” nga BDI lidhet me frikën nga transparenca dhe rendi.
Por qytetarët shohin një realitet tjetër: kamera që funksionojnë, gjoba që mbërrijnë, ndërsa premtimet e tjera mbeten në letër. Kazinotë vazhdojnë të operojnë, selektiviteti në zbatim të ligjit mbetet prezent dhe drejtësia perceptohet si e njëanshme.
VLEN deklaron se nuk do të lejojë pazare politike në kurriz të jetëve njerëzore dhe se “Safe City” do të zbatohet pavarësisht kundërshtimeve. Por debati tashmë ka nisur:
a është ky sistem vërtet për sigurinë e qytetarëve, apo një tjetër mekanizëm ndëshkimi pa barazi?
VLEN e shet “Safe City”-n si shpëtim jete, ndërsa shmang përgjegjësinë për zhvatje dhe selektivitet
