Nënë Tereza, e njohur sot në mbarë botën si Shën Tereza, mbetet një nga figurat më të mëdha humane të historisë. Vepra e saj nuk njeh kufij dhe as kohë. Edhe pse jetoi dhe shërbeu mes më të varfërve të Kalkutës në Indi, ajo nuk i harroi kurrë shqiptarët.
Gjatë luftës në Kosovë, në një nga momentet më të errëta për popullin shqiptar, Nënë Tereza ndërmori një akt të jashtëzakonshëm. Ajo telefonoi Presidentin amerikan të asaj kohe, Bill Clinton, duke i bërë thirrje të ndërhynte për paqe dhe për të shpëtuar jetët e shqiptarëve.
Këtë moment e ka konfirmuar shkrimtari i madh Ismail Kadare, i cili ka treguar se Nënë Tereza iu drejtua Clintonit me fjalët prekëse:
“Biri im, bëj diçka për shqiptarët e mi.”
Kadare thekson se ky veprim ishte një thyerje e qëllimshme e neutralitetit fetar, por e justifikuar nga dashuria dhe përgjegjësia ndaj popullit të saj:
“Ajo theu ligjin e fesë për popullin e saj, theu rregullin e fesë për shqiptarët e saj. Me këtë ajo i ka larë të gjitha. E turpi ynë i përbashkët është për sharjet ndaj Nënë Terezës,” – është shprehur Kadare.
Ky episod dëshmon se, përtej shenjtërisë dhe përkushtimit universal, Nënë Tereza mbeti gjithmonë bijë e kombit shqiptar, duke përdorur zërin e saj moral në shërbim të jetës, paqes dhe dinjitetit njerëzor.
Momenti kur Nënë Tereza i drejtohet Bill Clintonit: “Biri im, bëj diçka për shqiptarët e mi”
