Moment historik në Rekën e Epërme – Sefer Selimi: Falë angazhimit të Ambasadorit Denion Meidani, uji u bekua për herë të parë në shqip

Moment historik në Rekën e Epërme: Uji u bekua për herë të parë në shqip pas gati një shekulli Për herë të parë pas thuajse një shekulli, bekimi i ujit u mbajt edhe në gjuhën shqipe në Rekën e Epërme, duke shënuar një moment të veçantë historik, shpirtëror dhe kulturor për besimtarët ortodoksë shqiptarë. Liturgjia e kënduar nga At Nikoll Kedhi jehoi kreshtave të Rekës së Epërme, si një thirrje simbolike për rrënjët e harruara dhe për bijtë e kësaj treve. Bekimi i ujërave të Radikës u shndërrua në një akt që tejkaloi dimensionin fetar, duke u përjetuar si rikthim i kujtesës kolektive dhe i identitetit gjuhësor. Ngjarja u zhvillua në frymën e festës së shenjtë që simbolizon shndërrimin dhe hapjen shpirtërore, duke u vlerësuar si një moment thellësisht njerëzor dhe bashkëkohor, me mesazh të qartë për bashkëjetesë dhe tolerancë ndërfetare. Ky organizim u bë i mundur falë angazhimit të ambasadorit të Shqipërisë, Sh.T. Denion Meidani, si dhe peshkopit Antaninski, z. Partenij, duke u konsideruar si një shembull konkret i harmonisë dhe respektit ndërfetar. Me këtë rast, u përcollën urime për besimtarët ortodoksë dhe për të gjithë ata që festojnë këtë ditë të shenjtë. titulli te jet per angazhimin e Ambasadorit denion meidani