Donald Trump u ka dërguar një mesazh protestuesve iranianë duke deklaruar se “ndihma është në rrugë”, në një kohë kur Irani po përballet me protesta të mëdha dhe një shtypje të ashpër nga autoritetet. Sipas organizatave për të drejtat e njeriut, mbi 2 mijë persona janë vrarë dhe mijëra të tjerë janë arrestuar.
Në një postim në Truth Social, Trump u bëri thirrje protestuesve të vazhdojnë demonstratat dhe paralajmëroi se Irani do të “paguajë një çmim të madh” për vrasjet. Ai tha se SHBA do të ndërmarrë veprime shumë të forta nëse autoritetet iraniane nisin ekzekutimin e protestuesve, duke shtuar se ka anuluar të gjitha takimet me zyrtarët iranianë.
Ndërkohë, BE po shqyrton sanksione shtesë ndaj Iranit, ndërsa situata në vend mbetet e tensionuar.