Në një inçizim që ka arritur në adresën e redaksisë tonë, dëgjohet duke folurprokurorja e rastit të Zhan Mitrev në Maqedoninë e Veriut, Iskra Haxhi Vasileva ku përmendet ‘përfitimi i paligjshëm i pronave”, “shtrembërimi i fakteve”, etj…
[Audio-incizimi i plotë]:
Prokurorja: Ne jemi të detyruar moralisht dhe ligjërisht gjithashtu… (e pakuptueshme).
Tani, pajtohem me ju që shteti ka pasur ose nuk ka pasur përgjegjësi.
Është kështu apo ashtu. Ajo është kështu apo ashtu që të mund të bëjë gjithçka; ata aty kanë një dhunti për diçka.
Unë kam mandat për të ndjekur penalisht nëse e paramendoj se ekziston një krim.
Sidoqoftë, e kuptoj plotësisht revoltën tuaj, sepse të gjithë ne, edhe unë personalisht, kam kaluar nëpër një situatë të ngjashme me familjen time dhe të gjithë kemi të drejtë të zemërohemi për shumë gjëra.
Por janë shumë çështje në pyetje. Mbi të gjitha, unë duhet të filtroj diçka: çfarë është fakt dhe çfarë është profesionale, dhe nëse kjo në të vërtetë ka ndonjë kuptim.
Mashtrim nuk mund të ketë dhe nuk është dashur të paraqitet, por është paraqitur këtu përmes shtrembërimit të fakteve, përfitimit të paligjshëm të pronës – asaj që secili prej jush ka paguar për hemofiltrimin.
Kësaj i shtohet edhe e gjithë ajo ndërtim imazhi, ideja se “unë di më mirë se të gjithë të tjerët”. Në një situatë ku shkenca e ka ndaluar, pra e ka ndaluar që metoda të reklamohet.
Nuk është reale, por është bërë në Maqedoni në shumë institucione publike.
Paraqitja publike para nesh të gjithëve krijoi ndjesinë se trajtimi më i mirë është këtu dhe se vetëm këtu shërohen – kjo është teza jonë dhe është plotësisht legjitime që dikush të mos ndihet i dëmtuar, sepse rasti është interesant, kreativ në kuptimin e…
Bëhet fjalë për shëndetin, bëhet fjalë për humbje njerëzore; disa u shëruan.
Është e kuptueshme nëse dikush na thotë: “Unë nuk ndihem i dëmtuar, shkova dhe u shërova.”
Mendoj se absolutisht nuk është e nevojshme, në këtë kuptim, që dikush të “ndiejë barrë” për të thënë. Prandaj ju pyes së pari: a ka dikush që nuk ndihet i dëmtuar?
Kjo është një version i shkurtër: ne vetëm supozojmë që ju nuk ndiheni mirë dhe ju lirojmë, në rregull.
A do të na tregoni emrat tuaj? A jeni trajtuar personalisht?
X: JO!
Rikujtojmë se spitali ‘Zhan Mitrev’ është nën hetime rreth një raportimi që kishte bërë një media për një metode që quhet hemofiltrim për trajtimin e pacientëve nga Covid-19. Pretendimet janë se pacientët nuk janë njoftuar saktë për metodën.
Për këtë rast, nuk ka ende një vendim përfundimtar të gjykatës.
Në kohën kur ishin ngritur akuzat, spitali kishte reaguar veç tjerash, duke thënë se ‘kishte shtrembërim faktesh’ në raportimin e mediave në atë kohë.
“Jemi thellësisht të tronditur nga gjuha e urrejtjes e përdorur me qëllim kundër institucionit tonë, si dhe nga akuzat e pasakta dhe informacionet e fabrikuara, të cilat kanë për qëllim të vetëm krijimin e një imazhi të rremë në opinionin e gjerë publik për punën e Spitalit Klinik Zhan Mitrev. Është e qartë se këto informacione të pavërteta janë krijuar me synimin për të shtrembëruar faktet mbi punën e suksesshme shumëvjeçare të Spitalit Klinik Zhan Mitrev, ku mbi 400 ekspertë dhe profesionistë punojnë nën drejtimin e Dr. Zhan Mitrev” – thuhej në reagimin e spitalit./ Nacionale