Papa Leoni nisi këtë të enjte vizitën e tij 4-ditore në Turqi.
Kreu i Kishës Katolike u prit në Ankara nga presidenti turk Recep Tayyip Erdoğan ndërsa do të takohet më pas edhe me Patriarkun Bartolomeu, kreun shpirtëror të ortodoksëve në mbarë botën, në kuadër të shënimit të 1700-vjetorit të Këshillit të Nikesë.
Gjatë qëndrimit në Stamboll, ai do të vizitojë edhe Xhaminë Blu.
E gjithë vizita do të shoqërohet nga masa të rrepta sigurie.
Pas Turqisë, Papa do të vizitojë edhe Libinë aty ku frika nga një përshkallëzim i konfliktit mes Izraelit dhe Hezbollahut është rritur pas një sulmi të fundit në Bejrut.
Komuniteti i krishterë libanez, sipas ekspertëve, shpreson për një mesazh uniteti dhe paqeje nga Papa, në një vend të goditur rëndë edhe nga kriza e thellë ekonomike. Analistët theksojnë se Vatikani, në mungesë të interesave politike apo ekonomike, shihet si një prej zërave të fundit moralë me ndikim të vërtetë në rajon.
Udhëtimi konsiderohet një mundësi për Papa Leonin që të prezantojë stilin e tij si papë më i moderuar dhe më pak polarizues, si dhe të promovojë mesazhin e tij kyç të papatit: paqen dhe unitetin mes komuniteteve fetare në rajon.