Portugalia ka bërë hap historik në mbrojtje të të drejtave të punonjësve, duke miratuar një ligj të ri që ndalon çdo kontakt nga punëdhënësi pas orarit zyrtar të punës. Sipas paketës së reformave, telefonatat, mesazhet apo e-mailet jashtë orarit zyrtar konsiderohen shkelje të të drejtave të punonjësve.
Ligji synon të ruajë balancën mes jetës private dhe punës, duke i garantuar punonjësve kohë të pakushtëzuar për familjen dhe pushimin. Punëdhënësit që nuk respektojnë rregullin rrezikojnë gjoba të rëndësishme.
Ky vendim e vendos Portugalin ndër vendet e para në Evropë që zyrtarisht mbron “kohën jashtë punës” si të drejtë të pacenuar për çdo punonjës.