Presidenti i Serbisë, Aleksandar Vuçiq, ka bërë një deklaratë të pazakontë në një intervistë të fundit, duke thënë se rreth 15 për qind e qytetarëve serbë besojnë se babai i tij është shqiptar, raporton TV21. Sipas tij, ky vlerësim bazohet në disa të dhëna statistikore që ai thotë se i ka parë.
“A e dini ju që keni 15% të njerëzve në Serbi, që me të vërtetë besojnë se babai i tyre është shqiptar? Ka prej tyre që besojnë vërtet, sepse ata nuk vijnë në platforma të huaja, nuk takohen me njerëz të tjerë,” tha Vuçiq.
I pyetur nga gazetari nëse kjo shifër ishte vlerësim personal apo e bazuar në të dhëna konkrete, Vuçiq u përgjigj:
“Është vlerësimi im në bazë të disa të dhënave që kam hasur.”
Kjo deklaratë ka rikthyer në vëmendje aludimet e para disa viteve në disa media serbe, të cilat pretendonin – pa prova të verifikueshme – se babai biologjik i Vuçiqit ishte gazetari i njohur shqiptar Fahri Musliu. Vetë Musliu e ka mohuar publikisht një gjë të tillë, ndërsa pretendimet e tilla janë konsideruar thjesht spekulime mediatike.