Presidenti turk, Recep Tayyip Erdogan, ka paralajmëruar për rënien e shkallës së lindjeve në Turqi, duke e cilësuar si një “katastrofë” për të ardhmen e vendit.
Ai theksoi se shkalla e fertilitetit ka rënë në 1.48, duke mbetur nën pragun e nevojshëm për zëvendësimin e popullsisë.
Gjatë një takimi në Ankara, Erdogan theksoi se popullsia e moshuar është rritur dhe se deri në vitin 2050, një në çdo katër persona do të jetë mbi 65 vjeç.
Ai tha se kjo situatë është “vetëshkatërruese” për vendin dhe bëri thirrje për më shumë mbështetje nga meshkujt për gratë, të cilat, sipas tij, mbajnë barrën e rëndë të familjes.
Erdogan gjithashtu paralajmëroi se do të marrë masa kundër lëvizjeve LGBT dhe promovimit të neutralitetit gjinor, duke e lidhur këtë me rënien e lindjeve dhe ndryshimet sociale që po ndodhin.
Ekspertët lidhin uljen e shkallës së lindjeve me faktorë si arsimi i lartë për gratë dhe përparësia për karrierën mbi krijimin e familjes.