Një kallzim penal është dorëzuar në gjykatën e Milanos për presidentin e Serbisë Aleksandër Vuçiç.
Kallëzimi për të është paraqitur nga gazetari investigative kroat Domagoj Margetiç, i cili i është bashkuar hetimit të nisur javën e kaluar nga prokurorët e Milanos për dosjen e quajtur “Sarajevo Safari”.
Gazetari kroat ka shpërndarë në rrjetete e tij sociale një foto të Vuçiç, i pozicionuar në një nga postblloqet ushtarake prej nga dëshmitarët thonë se të huaj dhe njësi ultranacionaliste serbe qëllonin ndaj civilëve.
Synimi i këtij provesi është identifikimi i shtetasve italianë apo të tjerë të dyshuar për vrasje me paramendim, të kryer për kënaqësi apo motive të uleta.
Skandali që ka hapur plagë të thellë mes civilëve në luftën e viteve ‘90 është një dosje që trondit, pasi dyshohet se dhjetëra individë, “gjuehtar njerëzish” I kanë paguar shuma të mëdha ushtarëve të ushtrisë së Radovan Karaxhiçit, ish-lideri i serbëve të Bosnjës, i dënuar në vitin 2016 për gjenocid dhe krime kundër njerëzimit, për t’i dërguar në pozicionet e artilerisë në kodrat përreth Sarajevës, ku ata qëllonin mbi popullatën civile.
Më shumë se 10 mijë njerëz u vranë në Sarajevë nga snajperët dhe bombardimet gjatë viteve 1992–1996, në luftimet më të gjata të historisë moderne pas shpalljes së pavarësisë së Bosnje e Hercegovinës.
“Gjuetarët e njerëzve” mblidheshin në Trieste dhe udhëtonin fillimisht drejt Beogradit, prej ku më pas shoqëroheshin nga ushtarë serbë drejt pozicioneve në kodrat e Sarajevës.
Presidenti Vuçiq ende nuk ka komentuar mbi këto akuza.
Hera e fundit kur ai ka komentuar për këtë ngjarje ka qenë gjatë një interviste në një televizion bosnjak në vitin 2021, ku mohonte kategorikisht se kishte qëlluar ndonjëherë mbi qytetin e rrethuar, duke i quajtur akuzat politike.