Kallëzim i ri penal ndaj ish-kryetarit të Komunës së Strugës, Ramiz Merko. Ai dhe dy persona të tjerë të punësuar në Komunën e Strugës dyshohen se duke kryer në mënyrë të papërgjegjshme detyrën zyrtare kanë kontribuar në dëmtimin e shtëpisë përkujtimore – muzeut Vllado Maleskit në Strugë.
Përveç tyre, kallëzim penal ka marrë edhe investitori i objektit fqinj, 53-vjeçari N.K nga fshati Veleshtë, për shkak të dyshimit të bazuar për kryerjen e veprës penale “dëmtim ose shkatërrim të pasurisë nën mbrojtje të përkohshme ose trashëgimisë kulturore ose rariteteve natyrore”, si dhe një të punësuare në Institucionin Nacional “Enti dhe Muzeu Ohër”.
Në kundërshtim me vendimin për dhënien e kushteve konservatore mbrojtëse, i kallëzuari i parë me makineri ndërtimore e ka rrëzuar shtëpinë e vjetër strugane dhe gjatë kryerjes së gërmimit i ka dobësuar themelet e murit jugor të shtëpisë përkujtimore – muzeut fqinj. E kallëzuara e dytë nga “Enti dhe Muzeu Ohër”, mbi projektin bazë për shtëpi familjare vuri vulën zyrtare, nënshkroi dhe dha mendim për përputhshmëri me projektin ideor, duke vepruar me vetëdije në kundërshtim me Ligjin.
I kallëzuari i tretë, në cilësinë e kryetarit të Komunës së Strugës, duke shfrytëzuar pozitën e tij zyrtare dhe duke tejkaluar autorizimet, në kundërshtim me aktet nënshkroi lejen për ndërtimin e shtëpisë familjare të të kallëzuarit të parë. Kallëzime edhe ndaj 2 të punësuarve në sektorin e urbanizmit të Komunën e Strugës. / Alsat.mk