Në vend janë evidentuar 508 raste të dhunës seksuale dhe ngacmimit të fëmijëve, sipas të dhënave të raportuara nga MPB, në periudhën 2020 – 2024. Fushata e financuar nga Bashkimi Evropian “1 nga 5”, me rastin e Ditës Evropiane kundër abuzimit seksual me fëmijët, përmes ilustrimeve dhe udhëzimeve praktike synon të rrisë ndërgjegjësimin dhe të inkurajojë fëmijët ndaj fenomeneve abuzive.
“Deri më tani në Komisionin për Parandalimin dhe Mbrojtjen e Diskriminimit nuk janë dorëzuar padi për abuzim seksual apo dhunë seksuale ndaj fëmijëve dhe mund të jetë për shkak të vetëdijes së ulët në shoqëri dhe frikës për të paraqitur dhunën. Komisioni vepron në raste kur institucionet ngecin. Komisioni fillimisht duhet të presë zgjidhje nga ana e institucioneve, që janë kompetente të veprojnë në këto raste dhe më pastaj nëse ka shkelje të të drejtave të njeriut dhe mbrojtje të pamjaftueshme, atëherë ne intervenojmë në raste të tilla.”, – deklaroi Dushan Tomshiq nga Komisioni për Parandalim dhe Mbrojtje të Diskriminimit.
“Materialet e prezantuara të fushatës synojnë të arrijnë një qëllim të përbashkët – përmirësimin e sigurisë së shkollave, komuniteteve dhe shtëpive duke ofruar udhëzime të qarta dhe praktike për mësuesit, stafin e shkollës, familjet dhe vetë të rinjtë. Këto mjete janë hartuar për të na ndihmuar që të vërejmë kur diçka mund të jetë e gabuar, të reagojmë me kujdes dhe të kuptojmë se ku të kërkojmë ndihmë nëse një fëmijë po dëmtohet. Njohja e shenjave të abuzimit dhe të dimë si të reagojmë mund të bëjë një ndryshim në jetën e një të riu që ka nevojë për mbështetje.”, – theksoi liderja e projektit, Barbara Ligëll.
Sipas statistikave, një në pesë fëmijë në Evropë është viktimë e ndonjë forme të dhunës seksuale, abuzimit seksual, pornografisë së fëmijëve, shfrytëzimit seksual.
508 raste të dhunës seksuale ndaj fëmijëve në Maqedoninë e Veriut
