Kryetari i Çairit dhe lideri i Lëvizjes Demokratike, Izet Mexhiti, ka zbuluar se kandidati i VLEN-it për komunën e Bërvenicës, Haqim Ramadani, ka vepruar pa konsultim me subjektin, duke grisur pllakatat e fushatës.
Në emisionin “Debat në Shenja”, Mexhiti tha se Ramadani ka ndryshuar strategjinë në mes të garës zgjedhore dhe ka vepruar në mënyrë të pavarur.
“Haqimi e ka ndërruar strategjinë pa u konsultuar me VLEN-in. Vendosi të shqyejë pllakatat e VLEN-it dhe të dalë i pavarur në raundin e dytë,” – deklaroi Mexhiti.
Ai shtoi se subjekti i tij nuk është irrituar nga ky veprim, por theksoi se është e papranueshme që një kandidat të jetë i varur në raundin e parë dhe i pavarur në të dytin.