Raport i Komisionit Evropian: Maqedonia e Veriut ende nuk i ka bërë ndryshimet kushtetuese!
Me gjithë broçkullat e despotit Micko dhe qeverisë së koalicionit për gjoja vazhdim të procesit të integrimit europian, sërish busi i “Severnistani” bie në greminë, ku më kot përpiqet jeep i BE-së për ta nxjerr nga gremina rrangallën e Shkupit!
Shkupi zyrtar nuk i ka bërë detyrat e shtëpisë ndaj busi i saj u gremis dje dhe nuk arriti dot në destinacion pranë pallatit të qelqët në place Schuman-Bruxelles.
Politikat e së djathtës nacionaliste të premierit Micko dhe vetoja bullgare, kanë bllokuar vazhdimin e negociatave me Brukselin për shkak të qëndrimeve kryeneçe të despotit Micko, për mos ta hapur kushtetutën në emër të mbrojtjes së gjuhës dhe identitetit maqedon, pa një garancë të fortë nga Brukseli se nuk do më kërkesa shtesë nga ana bullgare.
Ndërsa rruga europiane e “Severnistanit” mbetet e bllokuar kushtetuta e vendit ngelet peng dhe objekt diskutimi brenda kampit opozitar se pa ndryshimet kushtetuese nuk ka hapje të negociatave me BE-në, ku nga ana tjetër komitët e VMRO-së dhe vredistët janë në unison të plotë se pa garanca të forta nga BE-ja nuk do të ketë ndryshime kushtetuese, pa çka se nofka e 20% ngelet e paprekur dhe as që diskutohet për të, megjithë premtimet e vredistëve se në rastin e parë të hapjes së kushtetutës do të shlyhet dhe 20%!
Ndryshimi që do të vinte si zotim dhe premtim i vredistëve dy vjet më parë nuk ndodhi, qeveria e koalicionit e drejtuar nga despotit Micko, hodhi posht me vendosmëri çdo “shantazh” për ndryshimet kushtetuese që vinte nga pala bullgare, ku VREDI shumë shpejt u dorëzua dhe nuk e ngriti më si çështje diskutimi shlyerjen e nofkës së 20% nga kushtetuta për hir të pushtetit.
Dhe ja ku jemi sot në vend numëro, në bllokadë ndërkombetare dhe izolim, pa mirëqënie dhe pa shpresë!
Ndërsa disa kanë “çarë ferrën” drejt perëndimit për një jetë më të mirë, ca të tjerë janë gati t’ia mësyjnë
atij, pasi u pa puna, kupa u mbush!
Medai Shaholli