NË PRAG TË STINORIT PRANVEROR FLET NUMRI NJË I FUTBOLLIT NË VEND, MUAMED SEJDINI
Në prag të startit të stinorit pranveror në Ligën e Parë dhe të Dytë futbollistike të Maqedonisë🇲🇰, presidenti i FFM-së, Muamed Sejdini ka uruar klubet, me shpresë se në këtë periudhë, jo vetëm që do të shijohen ndeshjet, por edhe do të mësojmë nga fryma sportive e gjithë futbollistëve që do ta shfaqin në fushat e belrta.
Postimi i Muamed Sejdinit ⤵️
“Të dashur dashamirë të futbollit,
Gëzimi po rritet ndërsa po afron fillimi i gjysmës së dytë të sezonit të futbollit në Maqedoni! Le të jetë kjo një periudhë jo vetëm për të shijuar ndeshjet, por edhe për të mësuar nga fryma sportive e lojtarëve tanë.
Ndërkohë që vlerat si loja e drejtë, respekti ndaj kundërshtarit dhe puna në ekip janë thelbësore për zhvillimin e futbollit tonë.
Me padurim pres fillimin dhe ju uroj ndeshje dinamike dhe frymëzuese, të gjithë klubeve në të gjitha kategoritë.”