Avokati i Popullit ka bërë apel publik që fëmijët të mbrohen nga çdo formë e abuzimit politik gjatë fushatave zgjedhore. Megjithatë, vetëm pak orë pas këtij apeli, është raportuar për një rast të tillë në Komunën e Vrapçishtit.
Sipas reagimeve në rrjete sociale, kandidati i VLEN-it për këtë komunë, Memet Seferi, është parë duke përfshirë fëmijë në aktivitetet e tij zgjedhore — një veprim që konsiderohet i papranueshëm dhe përbën shkelje të qartë etike dhe institucionale.
Në reagimin publik, qytetarë dhe aktivistë kanë bërë thirrje që Avokati i Popullit të ndërmarrë masa konkrete dhe të kërkojë dënimin maksimal ndaj personave përgjegjës për këtë shkelje.
“Mbrojtja e fëmijëve duhet të jetë mbi çdo interes partiak,” thuhet në apel, duke theksuar se përdorimi i tyre në fushata politike është i dënueshëm moralisht dhe institucionalisht.
