MPB: NË ARTARINË NË GOSTIVAR JANË VJEDHUR 18 KLIOGRAMË FLORI
MPB njofton se më 10.10.2025, në orën 18:45, në SPB Tetovë është raportuar se katër persona të maskuar me armë automatike kanë kryer grabitje në një argjendari pranë tregut të vogël në Gostivar, në pronësi të S.ZH. nga Gostivari, duke marrë rreth 18 kilogramë ar në vlerë prej rreth 1.8 milionë euro. Pas kryerjes së veprës, personat janë larguar me automjetin e pasagjerëve “BMW X3” pa targa. Menjëherë është vepruar sipas raportimit dhe në orën 19:00, në rrugën rajonale Kryqëzimi i Mavrovës – f. Mavrovë, është gjetur i djegur automjeti i pasagjerëve “BMW X3” pa targa. Zjarri është shuar nga Njësia Territoriale Zjarrfikëse Gostivar dhe gjatë inspektimit në automjet është gjetur një pushkë automatike me bajonetë. Me urdhër të prokurorit publik, automjeti është dërguar në ambientet e Sektorit të Policisë për Sigurinë e Trafikut Rrugor Gostivar. Po ndërmerren masa për gjetjen e autorëve dhe për zbardhjen e plotë të rastit.