Deputetja e Lëvizjes Vetëvendosje, Arjeta Fejza, ka reaguar në Facebook duke akuzuar Fatmir Shehollin për bashkëpunim me shërbime të huaja dhe për furnizim të mediave në Kosovë me materiale komprometuese për zyrtarë të shtetit.
Sipas saj, këto materiale dyshohet të jenë siguruar nga shërbimi sekret serb (BIA), gjë që — siç shkruan Fejza — e ka konfirmuar edhe publicisti Milaim Zeka.
Në statusin e saj, Fejza thekson se më interesant se vetë akuza është distancimi publik i gazetarit Berat Buzhala nga Sheholli pas lajmit për arrestimin e tij. Sipas Fejzës, kjo tregon se Buzhala nuk kishte nevojë për ndërmjetës, pasi “i merrte materialet direkt nga burimi”.
Pas postimit të saj, analistët kanë vërejtur një prirje të qartë në mënyrën si deputetët e VV-së po trajtojnë rastin: ata nuk e shohin problem faktin që janë zhvilluar komunikime me individë të dyshimtë apo struktura të huaja, por që këto biseda janë bërë publike.
Siç është komentuar gjerësisht në rrjete, “problemi për ta nuk është që ka fol Mimoza me ata, por që e mori vesh publiku këtë bisedë. Kjo është filozofia e tyre: flliq sa të mundesh, veç tinëz.”
Në këtë linjë, reagimi i Fejzës shihet si pjesë e përpjekjes së VV-së për të zhvendosur fokusin nga përmbajtja e bisedave te ekspozimi i tyre publik — një narrativë që tashmë po përforcohet hapur nga disa prej përfaqësuesve të saj.
