Mundësi i ri nga fshati Luboten i Shkupit, Omer Memedi, ka përfunduar me sukses të plotë sezonin në mundjen tradicionale, duke mos pësuar asnjë humbje gjatë gjithë vitit në kategorinë e dytë – “Bashallti”.
Në turneun e fundit të sezonit, të mbajtur sot, Memedi tregoi formë të shkëlqyer duke arritur dy fitore bindëse: në duelin e parë ndaj një kundërshtari nga Greqia, dhe në të dytin ndaj mundësit nga Shtipi i Maqedonisë.
Ky 18-vjeçar nga Luboteni po dëshmon se ka një të ardhme të ndritur në sportin e mundjes, me talent, disiplinë dhe përkushtim që e dallojnë në çdo garë.
Falë këtyre rezultateve, ai e mbylli sezonin si kampion në kategorinë e dytë, duke e ruajtur serinë e pamposhtur dhe duke konfirmuar veten si një prej mundësve më premtues të brezit të ri.
Omer Memedi është sportist për të cilin 
shqiptarët e Shkupit ndihen me të drejtë krenar