Ambasadori i Republikës së Shqipërisë në Maqedoninë e Veriut, Denion Meidani, ka zhvilluar një takim me Osman Kadriu, anëtar i Gjykatës Kushtetuese, dhe Krenar Loga, ish-ministër i Drejtësisë. Diskutimet u përqendruan mbi çështje kyçe që lidhen me sundimin e ligjit, funksionimin e shtetit të së drejtës dhe sfidat demokratike me të cilat përballet vendi.
Në qendër të bisedës ishte zbatimi i Marrëveshjes së Ohrit, rëndësia e ruajtjes së bashkëjetesës ndëretnike si themel i stabilitetit dhe garantimi i të drejtave të shqiptarëve, në një moment të ndjeshëm për të ardhmen europiane të Maqedonisë së Veriut.
“Në një moment kyç për të ardhmen europiane të Maqedonisë së Veriut, vlera e këtyre parimeve mbetet thelbësore për ndërtimin e një shteti të drejtë, gjithëpërfshirës dhe me institucione të qëndrueshme,” – u shpreh ambasadori Meidani.
Ai nënvizoi se respektimi i të drejtave të njeriut, barazia para ligjit dhe zbatimi i marrëveshjeve ndërkombëtare janë faktorë vendimtarë jo vetëm për integrimin europian të vendit, por edhe për forcimin e marrëdhënieve ndërshtetërore në rajon.
Takimi u zhvillua në një atmosferë bashkëpunimi dhe reflektimi institucional, duke theksuar rolin e dialogut konstruktiv në përparimin e proceseve demokratike dhe në ndërtimin