Ish-ministri i Drejtësisë në Maqedoninë e Veriut ka shpërndarë një reagim të fortë në rrjete sociale, ku i bën thirrje Qeverisë që të njohë zyrtarisht shtetin e Palestinës.
Në postimin e tij, ai shoqëroi statusin me një video ku paraqiten fjalimet në Asamblenë e Përgjithshme të OKB-së nga dhjetë liderë të shteteve të ndryshme, të cilët shpallin hapur njohjen e Palestinës.
“■ Stop mashtrimit të vLEN-it, njihni Palestinën🇵🇸 shtet sot!
Arsyetimi se Ministri i Punëve të Jashtme🇲🇰 Mucunski voton kokë në vete kundër Palestines në OKB është i turpshëm, është ofendim i intelegjencës sonë individuale dhe kolektive. Ai votim përfaqëson Qeverinë (vLEN-DPMNE) dhe të gjithë ne si RMV-në.” – shkroi ish-ministri.
Ky reagim vjen pas votimit të Maqedonisë së Veriut në Kombet e Bashkuara kundër një rezolute lidhur me pranimin e Palestinës, gjë që ka shkaktuar debat të brendshëm mbi përfaqësimin dhe qëndrimin zyrtar të shtetit.