Ideja është që ky veprim të mund të dobësojë kontrollin e Maduros mbi pushtetin dhe potencialisht ta detyrojë të largohet, por pa hyrë në një pushtim të plotë tokësor
Presidenti i SHBA-ve, Donald Trump, po peshon mundësinë e ndërmarrjes së sulmeve ushtarake kundër karteleve të drogës në territorin e Venezuelës, raportoi CNN, duke cituar burime nga administrata amerikane.
Sipas burimeve, objektivi kryesor i këtij plani është të ushtrohet presion i drejtpërdrejtë mbi rrethin e ngushtë të presidentit venezuelian Nicolás Maduro, duke i prerë burimet financiare të karteleve të lidhura me regjimin.
Ideja është që ky veprim të mund të dobësojë kontrollin e Maduros mbi pushtetin dhe potencialisht ta detyrojë të largohet, por pa hyrë në një pushtim të plotë tokësor.
Plani, që ende ndodhet në fazën e diskutimit, shihet si një strategji alternative për të shmangur një përshkallëzim të madh ushtarak, ndërsa njëkohësisht të goditen rrjetet kriminale që konsiderohen si burim i rëndësishëm të ardhurash për qeverinë e Karakasit.
Megjithatë, një lëvizje e tillë ka gjasa të ngrejë tensionet në rajon dhe të shkaktojë reagime të forta si nga aleatët e SHBA-ve, ashtu edhe nga vende që kundërshtojnë ndërhyrjet ushtarake të huaja.
Burime diplomatike theksojnë se ende nuk ka një vendim përfundimtar, por opsioni i sulmeve të targetuara mbetet në tryezë si pjesë e politikës së Trump për të intensifikuar presionin ndaj Maduros.