Një fotografi dhe video e publikuar nga kandidati për kryetar të komunës së Çairit, Bujar Osmani, ka ngjallur reagime dhe polemika në rrjete sociale.
🟢 Në postimin e tij, Osmani tregoi se gjatë një vizite te banorët e Çairit, ishte takuar me një nënë të moshuar që i kishte kërkuar të bëjnë një foto bashkë. Në videon e shpërndarë prej tij, dallohet qartë momenti kur gruaja i kërkon një fotografi!
Sipas Osmanit, ky gjest e kishte mbushur me emocion dhe i kishte dhënë më shumë motivim në rrugën e tij politike.
Për të parë Videon kliko këtu👈
🔵 Mirëpo, vetëm pak orë më pas, reagoi Sherif Rramani, kryetar i degës së partisë Alternativa në Likovë. Ai sqaroi se gruaja në foto është nëna e tij, jo banore e Çairit dhe as votuese në atë komunë.
Rramani akuzoi Osmanin për manipulim, duke thënë se nëna e tij ishte vizitore në Çair dhe ishte futur në fotografi duke menduar se Osmani ishte pjesë e koalicionit VLEN.
“Më vjen keq që nëna ime është manipuluar pa dijeni. Ajo i ka thënë ato fjalë duke menduar se Bujari është i VLEN-it. Nana ime, familja ime dhe gjithë miqtë e mi janë mbështetës të Alternativës dhe koalicionit VLEN,” – shkroi Rramani.
Ai i bëri thirrje publikisht Osmanit që të fshijë fotografinë dhe të mos merret me “manipulime dhe gënjeshtra”.
👉 Një episod i zakonshëm elektoral, i dokumentuar me një foto dhe video, përfundoi duke u kthyer në një përplasje publike mes forcave politike rivale në Çair dhe Likovë.