Diaspora në Vjenë jep mbështetje për kandidatin për komunën e Strugës, Dr. Arsim Dalipi
🇦🇹 Në Vienë të Austrisë u zhvillua një takim i diasporës strugane, ku dhjetëra bashkëatdhetarë u mblodhën për të shprehur përkrahjen e tyre për kandidatin për komunën e Strugës, Dr. Arsim Dalipi.
👨⚕️ Në mesin e të pranishmëve foli mjeku i njohur Dr. Zimbri Sela, i cili theksoi se mbështetja për Dalipin nuk është thjesht për një kandidat, por për një vizion të ri të shërbimit publik – një Strugë më të drejtë, më të zhvilluar dhe më dinjitoze.
Ai nënvizoi se vjen nga përballja e përditshme me njerëzit, dhimbjet dhe nevojat e tyre, prandaj shëndetësia, arsimi dhe mirëqenia publike nuk duhet të mbeten sllogane, por prioritete konkrete të një qeverisjeje të re.
🎤 Dr. Sela shtoi se qyteti ka nevojë për një administratë transparente, të ndershme dhe afër qytetarit, të çliruar nga korrupsioni dhe arroganca politike.
🌍 Diaspora e pranishme theksoi se mbështetja e tyre nuk është vetëm financiare, por edhe morale dhe qytetare. Përvoja që kanë në Austri me institucione funksionale dhe respekt ndaj qytetarëve është modeli që duan ta shohin të zbatuar edhe në Strugë.
🙏🏻 Ky takim shënoi një hap të rëndësishëm të diasporës në mbështetje të kandidatit Dr. Arsim Dalipi, duke e parë si shansin për një ndryshim të nevojshëm në Strugë.