Ankara – Presidenti i Turqisë, Recep Tayyip Erdoğan, deklaroi sot se ata që janë përgjegjës për vrasjet e palestinezëve do të përballen me drejtësinë.
Gjatë fjalimit në Ceremoninë e Diplomimit të Akademisë së Xhandarmërisë dhe Rojës Bregdetare Turke në Ankara, Erdoğan tha se “do të vijë dita kur më në fund do të jepet llogari për vëllezërit dhe motrat tona palestineze, të cilët çdo ditë janë në shënjestër të plumbave dhe bombave para kamerave”.
Duke përdorur një gjuhë të ashpër, ai shtoi: “Ata që derdhën gjakun e të pafajshmëve, po ashtu do të mbyten në të”.
Deklarata e tij vjen në kohën kur tensionet dhe dhuna në Gaza vazhdojnë të marrin jetë njerëzish, duke nxitur reagime të ashpra ndërkombëtare.