Strugë – Mjeku i njohur dhe aktivisti i angazhuar qytetar, Specialist-Urologu, Arsim Dalipi ka shpallur zyrtarisht kandidaturën për Kryetar të Komunës së Strugës. Ai do të garojë nën siglën e Aleancës për Shqiptarët, në kuadër të Frontit Europian, duke marrë mbështetje të plotë nga strukturat e subjektit politik.
Nëpërmjet një statusi në facebook, Arsim Dalipi u shpreh mirënjohës për besimin e dhënë dhe theksoi vendosmërinë për të punuar me transparencë, bashkëpunim dhe integritet për të mirën e përbashkët të qytetit.
“Për shumë vite kam pasur privilegjin të jem pranë qytetarëve si mjek, duke u kujdesur për shëndetin e tyre me përkushtim, ndershmëri dhe dashuri. Sot, me të njëjtin shpirt shërbimi, jam i gatshëm të angazhohem për zhvillimin dhe mirëqenien e Strugës sonë të dashur,” deklaroi ai.
Ai theksoi se Struga meriton më shumë dhe bëri thirrje për mobilizim të plotë të qytetarëve:
“Vetëm të bashkuar mund ta bëjmë Strugën qytetin më të mirë për familjet tona dhe brezat që vijnë.”
Zgjedhjet lokale në Strugë pritet të zhvillohen në Tetor të këtij viti, ku gara për drejtimin e komunës do të jetë shumë e fortë