Një ngjarje inspiruese ka ardhur nga Australia, ku prifti i njohur ortodoks, Gold David, pas 45 vitesh shërbim fetar, ka pranuar fenë islame dhe ka marrë emrin Abdurrahman.
Në paraqitjen e tij të parë publike pas konvertimit, ai rrëfeu se kishte kërkuar me gjithë zemër të vërtetën:
“Rashë në sexhde dhe iu luta Allahut që të ma tregojë të vërtetën absolute… Pastaj lexova Kuranin dhe e kuptova se ato janë fjalët e Allahut.”
Gold David tregoi se kishte vizituar një xhami, ku kishte marrë një kopje të Kuranit dhe e kishte lexuar me një qasje të re, siç tha ai, “intelektualisht, emocionalisht dhe shpirtërisht”.
Pas leximit, ai i shkroi një letër peshkopit të tij ku, në vend të komenteve tradicionale, kishte shkruar shehadetin – dëshminë islame të besimit:
“Dëshmoj se nuk ka zot tjetër përveç Allahut, dhe se Muhamedi është i Dërguari i Tij.”
Ai shtoi se ndjen një lehtësim të madh dhe kënaqësi shpirtërore, duke përmendur se me pranimin e islamit nuk e mohoi Jezusin (Isain) apo Marinë (Merjemen), por i njohu ata në raportin e saktë me Zotin e Lartësuar:
“Kur lexova Kuranin, kuptova se Allahu nuk është trini dhe se Ai nuk ka bir. Tani e njoh Isain në të vërtetën e tij si pejgamber i Allahut.”
Abdurrahmani e përmbylli rrëfimin e tij me një mesazh të fuqishëm për ata që kërkojnë sinqerisht udhëzimin:
“Kur themi shehadetin, mëkatet fshihen dhe na jepet mundësia për një fillim të ri me Allahun.”
Lusim Allahun ta forcojë në fe vëllain tonë të ri, Abdurrahmanin. 🤲