Ministria thotë se Siria pati një mundësi historike për të jetuar në paqe
Sulmet ajrore izraelite në Damask — që synojnë selinë e ushtrisë siriane, Ministrinë e Mbrojtjes dhe zonat përreth saj — synojnë të sabotojnë përpjekjet e Sirisë për të vendosur paqe dhe siguri, thotë Ministria e Jashtme e Turqisë.
Ministria thotë se Siria pati një mundësi historike për të jetuar në paqe dhe për t’u integruar në botë pas rrëzimit të ish-presidentit Bashar al-Assad në dhjetor.
Nga pamjet video që qarkullojnë në mediat sociale shihet teksa hidhet në erë Ministria e Mbrojtjes e Sirisë.
Gjithashtu mësohet nga raportimet se është sulmuar edhe Shtabi i Përgjithshëm i Ushtrisë.
Forcat e mbrojtjes së Izraelit, IDF, kanë reaguar menjëherë duke thënë se pas serisë së sulmeve gjatë natës kundër forcave të regjimit sirian, Shefi i Shtabit të Përgjithshëm, Gjenerallejtënant Eyal Zamir, urdhëroi përforcime shtesë të aseteve të mbledhjes dhe goditjes dhe ripozicionimin e forcave në Komandën Veriore për të rritur ritmin e sulmeve dhe për të ndaluar sulmet kundër Druzëve në Siri.