Anita Muçaj Haradinaj, në një intervistë për “S’e Luan Topi” me Erjona Rusin, tregoi njohjen me ish-kryeministrin e Kosovës, Ramush Haradinajn.
Anita u shpreh se karakteri i veçantë, shpirti aventurier dhe pjekuria e Ramush Haradinajt e bënë për vete.
L
Ajo ndau me ne se takimi i tyre i parë ishte në një ambient profesional, por që shpejt kaloi në një njohje të ngushtë, duke u shëndrruar në një histori dashurie të thellë dhe të veçantë.
“Takimin e parë me të e kam bërë gjatë një interviste në radio. Ishte i ftuar në Radio Kosova dhe më tha mua ‘goca e kujt je ti’. Dhe unë, duke menduar që ne njiheshim familjarisht, i thashë jam goca e Mustafës. Kur nisa punë në Koha Vizion, u takuam sërish. Aty u njohëm, u takuam, ai ishte një djalë ndryshe. Mua më pëlqen gjithçka që është e vështirë, më pëlqen të sfidohem. Dhe ai ishte i pjekur, nuk kishte rutinë, nuk e dije kur do flije apo ku do ishe”, tha ajo.
Një nga aspektet më tërheqëse të karakterit të Ramushit, sipas Anitës, është se ai ka një shpirt romantik të thellë. “Është shumë romantik, më shumë se unë. Gjithçka e ka me shumë delikatesë, me shumë elegancë. Më ka sjellë edhe mëngjesin në shtrat. Edhe lule…”, tha Anita, duke theksuar se këto gjeste e bënë atë të ndjehet e veçantë dhe e vlerësuar.
Fakti që Ramushi e mendon mbi këto gjëra tregon një nuancë të thellë të dashurisë së tij, që mund të mos jetë gjithmonë evidente për publikun. Anita rrëfeu se ndjenjat e tij shpesh shprehen në forma të vogla, por të rëndësishme, duke i dhënë asaj ndjenje të sigurt dhe të dashur.