Shkup, 3 korrik 2025 – Për shkak të konsumit jashtëzakonisht të lartë të ujit në komunën e Sarajit, ka ndodhur mbingarkesë teknike në sistemin për rregullimin e frekuencës në katër njësitë elektromotorike të Stacionit të Pompimit Saraj.
Sipas njoftimit zyrtar të Ndërmarrjes Publike “Ujësjellësi dhe Kanalizimi”, situata kërkon një ndërhyrje softuerike urgjente, e cila do të zgjasë të paktën 10 orë. Gjatë kësaj kohe, nuk do të funksionojnë:
PS Saraj
Hidrofori Glumovë
PS Matkë e Epërme
PS Arnaki
Për pasojë, më 3 korrik nga ora 14:00 deri në 24:00, do të ketë ndërprerje të furnizimit me ujë në këto vendbanime:
Saraj
Glumovë
Matkë e Epërme
Lubin
Arnaki
Autoritetet paralajmërojnë se nëse vazhdon përdorimi joracional i ujit, sistemi mund të përballet me defekte serioze, të cilat do të rrezikojnë furnizimin afatgjatë për të gjithë zonën.
“Ujësjellësi dhe Kanalizimi” njofton se do të vendosen cisterna uji për furnizim alternativ gjatë gjithë kohëzgjatjes së ndërprerjes.
Qytetarët bëhen thirrje të kursejnë ujin dhe të bashkëpunojnë për të kaluar situatën pa pasoja të mëtejshme.