Kryeministri izraelit Benjamin Netanyahu tha se “është një ditë shumë e vështirë për popullin e Izraelit” pas lajmit për vrasjen e shtatë ushtarëve nga një shpërthim në jug të Gazës.
“Luftëtarët tanë heroikë ranë në betejë për të mposhtur Hamasin dhe për të çliruar pengjet tona në jug të Rripit të Gazës,” shkroi Netanyahu në rrjetin X. “Së bashku me të gjithë qytetarët e Izraelit, unë dhe bashkëshortja ime vajtojmë dhe pikëllohemi për rënien e shtatë ushtarëve tanë nga Batalioni i Inxhinierisë Luftarake. Qoftë kujtimi i tyre një bekim.”