Ushtria iraniane ka rrëzuar dy avionë luftarakë izraelitë të përfshirë në sulmet ajrore të sotme në territorin iranian dhe ka kapur një pilote izraelite, transmeton Anadolu.
Ushtria iraniane nuk e ka konfirmuar zyrtarisht rrëzimin e avionëve, por agjencia iraniane e lajmeve Tasnim raportoi se një mjet ajror pa pilot izraelit u rrëzua në qytetin qendror iranian Qom.
Në përgjigje, zëdhënësi i ushtrisë izraelite, nënkoloneli Avichay Adraee, i mohoi raportet, duke i quajtur ato “plotësisht të pabaza” dhe duke akuzuar mediat iraniane për fabrikim informacioni.
Verifikimi i pavarur i pretendimeve dhe kundër-pretendimeve të të dyja palëve është i pamundur për shkak të konfliktit të vazhdueshëm midis Izraelit dhe Iranit.
Ndërkohë, Organizata e Aviacionit Civil e Iranit lëshoi një njoftim për misionet ajrore, duke njoftuar se hapësira ajrore e vendit do të jetë e mbyllur për të gjitha fluturimet deri në orën 14:00 të ditës së nesërme me kohën lokale.