Prishtinë, Qershor 2025 – Analisti politik nga Kosova, Avni Arifi, ka reaguar ashpër pas një deklarate të fundit të liderit të VLEN-it, Arben Taravari, i cili në një intervistë ka pranuar se “Serbia është kthyer në Maqedoni”. Arifi ka cilësuar këtë si një pranim të vonuar dhe ka akuzuar Taravarin e VLEN-in për bashkëpunim me strukturat që, sipas tij, kanë ndihmuar Serbinë të rifitojë ndikimin e humbur në rajon.
Në një shkrim të publikuar në rrjetet sociale, Arifi thotë se “tani është koha të flitet drejt, pa u trembur nga historia”, duke shtuar se për dekada shqiptarët janë ushqyer me të pavërteta. Sipas tij, e vërteta është se:
• Në Mal të Zi, shqiptarët me përkrahjen për Dritan Abazoviqin, ia dorëzuan pushtetin Serbisë në dëm të malazezëve autoktonë, të cilët historikisht kanë qenë miq të shqiptarëve.
• Në Maqedoninë e Veriut, shqiptarët me përkrahjen ndaj VLEN-it dhe mbështetjen nga Albin Kurti, i kanë hapur rrugë rikthimit të Serbisë dhe të strukturave të vjetra të UDB-së, duke përjashtuar faktorin shqiptar nga proceset vendimmarrëse.
Arifi e sheh këtë si një rrëshqitje të rrezikshme politike që do të ketë pasoja afatgjata. “Kjo është vetëm fillimi. Shumë shpejt do të shohim se çfarë do të bëjnë me të drejtat e shqiptarëve,” paralajmëron ai.
Në një mesazh të drejtpërdrejt për shqiptarët, Arifi shprehet:
“Shqiptarët, duke përkrahur VLEN-in, ia shitën të ardhmen e tyre Mickoskit e Serbisë dhe ndëshkuan UÇK-në e lirisë. Këto janë fakte, dhe për këto do të na mallkojë historia.”
Ai i drejtohet edhe Arben Taravarit, që tash e pranon se Serbia është kthyer në Maqedoni, me një citim të rëndë popullor:
“Tradhtarët kurrë s’duhet dëgjuar se si kanë tradhtuar.”