Shkup, 8 Qershor 2025 – Ambasadori i Shqipërisë në Republikën e Maqedonisë së Veriut, z. Denion Meidani, ka shprehur mirënjohjen e tij të thellë ndaj grupit të tifozëve “Shvercerat” për atmosferën madhështore që krijuan mbrëmjen e kaluar në zemër të Shkupit.
Përmes një mesazhi emocional, ambasadori Meidani u shpreh:
“Faleminderim nga zemra për Shvercerat Shkup! Mbrëmë, zemra e Shkupit rrahu kuqezi. Me flamuj, me këngë, me zemër të madhe, krijuat një atmosferë që nuk harrohet. Jo vetëm tifozë – ju jeni nga zërat që rezonojnë krenarinë dhe lidhjen tonë! Shkupi u ndriçua nga dashuria për Shqipërinë!”
Ky gjest simbolik i tifozëve shqiptarë në Shkup dëshmon edhe një herë fuqinë e lidhjes shpirtërore dhe kulturore mes shqiptarëve, pavarësisht kufijve gjeografikë. Me moton #KuqezinjNëÇdoTrotuar dhe #ShqipëriKudo, mesazhi i unitetit dhe krenarisë kombëtare u përhap në çdo cep të qytetit.
