Prokuroria Publike Themelore e Shkupit ka kërkuar që kryetarja e Qytetit të Shkupit, Danella Arsovska të bashkëpunojë me ta nëse ka dëshmi që e lidhin me krim, kreun e Komunës së Çairit, Visar Ganiu.
Nga Prokuroria thonë se janë duke vepruar megjithatë kërkojnë të dhëna të qarta dhe të sakta për parcelat ku supozohet se janë ndërtuar objektet pa leje, për të cilat flet kryetarja e Qytetit.
PROKURORIA THEMELORE
“Prokuroria Themelore Publike Shkup është duke vepruar në bazë të njoftimeve të marra nga SPB Shkup dhe ka dhënë disa urdhëresa në bazë të së cilave tanimë po veprohet. Nëse kryetarja e komunës, si zyrtare ka njohuri për vepër penale, ajo e ka detyrim ta denoncojë atë dhe të bashkëpunojë me Prokurorinë dhe të tregojë cilat janë parcelat ose objektet konkrete ku ka ose janë të ndërtuara në mënyrë të paligjshme. Kjo është e patjetërsueshme në mënyrë që prokuroria të mund të veprojë dhe të parandalojë prishjen e provave dhe fshehjen e tyre”
Thonë se janë duke punuar edhe për të zbuluar kërcënimet ndaj Danella Arsovskës.
PROKURORIA THEMELORE PUBLIKE
“Lidhur me kërcënimet. Ministria e Punëve të Brendshme është organ që ka kompetenca direkte për të siguruar jetën dhe sigurinë e qytetarëve dhe për të zbuluar dhe parandaluar rrezikimin e jetës së qytetarëve. PTHP-ja është e hapur që përmes prokurorit kujdestarë të dëgjojë kryetaren, nëse ajo dëshiron, pa humbur kohë”
Kanë kaluar tashmë dy javë prej kur ka filluar seria e denoncimeve publike që Danella Arsovska bën për ndërtimet pa leje që ajo supozon se janë bërë në Çair. Në vigjilje të kësaj, ajo ka publikuar edhe disa kërcënime që supozohet se i bëjnë zyrtarë të lartë të Komunës së Çairit.
Mevludin Imeri /SHENJA/