Problemi i përdorimit të drogës tek fëmijët në Maqedoninë e Veriut po bëhet gjithnjë e më shqetësues. Sipas analizës së Avokatit të Popullit, 50 fëmijë përdorin marihuanë si dhe substanca të tjera psikotrope si halucinogjene dhe stimulative. Sistemi për parandalimin, zbulimin e hershëm, trajtimin dhe rehabilitimin e këtyre fëmijëve është i pazhvilluar dhe kapacitetet institucionale mbeten të kufizuara.
“Trajtimi i fëmijëve përdorues droge vazhdon të paraqesë një sfidë serioze, duke pasur parasysh se ne kemi rekomanduar programe specifike në institucionet shëndetësore që ende nuk janë zhvilluar. Sipas të dhënave të 27 Qendrat Ndërkomunale të Punës Sociale në periudhën e hulumtuar që kërkuam fëmijë përdorues të drogave janë evidentuar në 5 Qendrat Ndërkomunale të Punës Sociale: Shkup, Tetovë, Ohër, Gostivar dhe Shën Nikollë. Shumica prej tyre janë nga Shkupi dhe Tetova”, tha Vaska Bajramovska-Mustafa.
Sipas të dhënave nga analiza, gjithnjë e më tepër mosha më e re po evidentohet te përdoruesit e mitur dhe ky fenomen po bëhet një problem gjithnjë e më i madh dhe kërkon një përgjigje urgjente nga institucionet. Bajramovska theksoi faktin se qendrat ndërkomunale të punës sociale u përgjigjën se ekipet e tyre të ekspertëve nuk janë të specializuara në punën me fëmijët përdorues droge. Sipas Avokatit të Popullit të marrë nga raportet e policisë, 130 të mitur tjerë drogohen nëpër rrugë më shumë me marihuanë dhe amfetaminë, ndërsa më pak me ekstazi dhe heroinë.
“130 fëmijë përdorues të drogës janë evidentuar në sektorët për punë të brendshme. Ky identifikim sipas përgjigjeve më së tepërmi bëhet nga prania në rrugë, sipas denoncimeve apo aksioneve policore ku njësoj si QNPS, sektorët paraqesin për fëmijët e moshës nga 14 deri në 18 vjet”, deklaroi Vaska Bajramovska-Mustafa. (tv21)