Siç raportohet në mediat e huaja, udhëheqësi rus, Vladimir Putin, ka qenë në një prej helikopterëve që kanë fluturuar mbi rajonin e Kurskut në Ukrainë më 20 maj. Mësohet se helikopteri i tij është sulmuar nga dronët ukrainas. Komandanti rus, Yuriy Dashkin, ka pohuar se Presidenti rus ishte në shënjestrën e këtij sulmi të planifikuar.
“Intensiteti i sulmit u rrit ndjeshëm gjatë fluturimit të helikopterit që mbante Komandantin e Përgjithshëm Suprem mbi territorin e Kurskut. Ne kryem operacionet luftarake të mbrojtjes ajrore dhe njëkohësisht u morëm me sigurinë e helikopterit të Presidentit”, ka thënë Dashkin.
Sipas Dashkin, njësitë ruse të mbrojtjes ajrore goditën 46 dronë gjatë incidentit.
Teksa situata dukej se po normalizohej disi me bisedimet e herëpashershme muajt e fundit, më 25 Maj të këtij viti, Rusia zhvilloi një tjetër sulm të rëndë ajror në Kiev. I vetmi lajm pozitiv deri më tani, është ai i shkëmbimit të të burgosurve.