Militanti i Bilall Kasamit i cili jeton dhe vepron në Austri, Xhevat Xhemaili nga komuna e Tetovës ka marrë 1500 euro para pa punuar asgjë. Ai thotë se është këshilltar i jashtëm i Komunës së Tetovës dhe paguhet pak.
“Unë jam në marrëdhënie pune me komunën e Tetovës si këshilltar i jashtëm i saj për diasporën që nga data 1 dhjetor 2024 dhe kjo nuk është sekret, unë kam bërë publike punësimin tim që nga dita e parë, pra, vendi imë i punës është në diasporë dhe kam për detyrë të krijoj kontakte me kompani të fuqishme austriake të cilat kanë interes investimi në komunën tonë, të krijojë raporte bilaterale me partitë simotra, të partnerizojë apo binjakzoj komunën tonë me ato austriake e më gjërë, të mundësoj takime me deputet e ministra të VLEN-it me homologët e tyre austriak dhe së fundmi, si rezultat i punës sime, kryetari i komunës Bilall Kasami ishte në një vizitë tre ditore këtu në Austri, vizitë e sukseshme me kompani të ndryshme, deputet e kryetar komunash por gjithashtu edhe me mërgatën shqiptare në Austri.
Dhe natyrisht unë për këtë paguhem por të dhënat se unë marr 1500 euro nga buxheti i komunës është një shpifje e kulluar, ajo shumë është pagesa për disa muaj që nuk më është paguar rroga në kohë” ka shkruar Xhemaili
Nga ana tjetër përflitet se shumë militantë marrin paga nga komuna pa punuar asgjë.
