Bekim Qoku nga Vetëvendosja ka bërë të ditur se përçarja në Aleancën për Shqiptarët i prish punë edhe koalicionit mes VV-së, LEN-it dhe Aleancës për Shqiptarët.
Qoku në ClickPlus në TV21 zbuloi se ai është emocionalisht i lidhur me Selën, ndërkaq politikisht e përkrah Taravarin.
“Sigurisht se na pengon (përçarja e Aleancës për Shqiptarët). Ku ta gjejmë që të ishin bashkë. Unë jam një mik i vjetër i Ziadin Selës dhe jam emocionalisht i lidhur me të, sepse nuk kemi personale asnjë gjë, por politikisht, aktualisht na ndan. Pra qëndrimi politik dhe ai emocional, dallojnë. Por meqë unë jam qenie politike, më shumë anoj kah Arben Taravari sepse është në rrugën më të drejtë politike”, tha Qoku.