Huzeir Mustafi ka reaguar ndaj deklaratave të Arben Fetait, duke theksuar se kur flitet për biografinë politike në kuadër të Vetëvendosjes, është e rëndësishme të përmendet edhe pjesëmarrja në nismën e Dardan Molliqajt dhe Frashër Krasniqit, e cila, sipas tij, synonte shkatërrimin e Vetëvendosjes – një përpjekje që fatmirësisht dështoi.
Ai gjithashtu u ka dërguar një mesazh të drejtpërdrejtë funksionarëve të lartë të Aleancës për Shqiptarët, duke theksuar se vendimet politike dhe drejtimi që merr subjekti politik duhet të merren brenda organeve partiake, e jo në rrjetet sociale, të cilat, siç tha ai, janë kthyer në hapësira për gjah pas pëlqimeve dhe komenteve, dhe jo për vendimmarrje serioze.