Presidenti i përkohshëm i Sirisë, Ahmad al-Sharaa, do të vizitojë Parisin të mërkurën për bisedime me Presidentin Emmanuel Macron, udhëtimi i tij i parë në Evropë që nga marrja e detyrës në janar dhe një hapje e mundshme për lidhje më të gjera me vendet perëndimore.
Al-Sharaa mori pushtetin pasi grupi i tij islamist, Hayat Tahrir al-Sham (HTS), udhëhoqi një ofensivë që rrëzoi ish-presidentin Bashar al-Assad në dhjetor.
Lexo edhe:
SHBA-të dhe Huthit e Jemenit bien dakord për armëpushim me ndërmjetësinë e Omanit
Al-Assad, një anëtar i pakicës alevite të Sirisë, sundoi për më shumë se dy dekada dhe iku në Rusi pasi u rrëzua nga pushteti.
Pallati Elysee tha se Macron do të ripohojë mbështetjen e Francës për “një Siri të lirë, të qëndrueshme dhe sovrane që respekton të gjithë përbërësit e shoqërisë së saj”, duke theksuar rëndësinë e stabilitetit rajonal dhe luftës kundër terrorizmit.
Vizita vjen në mes të gjakderdhjes së përtërirë sektare, një javë pas përleshjeve midis forcave besnike ndaj al-Sharaa dhe luftëtarëve nga sekti pakicë Druze që lanë gati 100 të vdekur.
Kjo ndodhi pas dhunës së mëparshme në rajonin bregdetar të Sirisë midis personave të armatosur sunitë dhe anëtarëve të sektit minoritar alavit, të cilit i përket al-Asadi. Këto luftime lanë më shumë se 1,000 të vdekur, shumë prej të cilëve civilë alavitë të vrarë në sulme hakmarrjeje.
Pakicat fetare në Siri, përfshirë alavitët, të krishterët dhe druzët, kanë frikë nga persekutimi nën qeverinë e udhëhequr kryesisht nga myslimanët sunitë. Al-Sharaa është zotuar vazhdimisht se të gjithë sirianët do të trajtohen në mënyrë të barabartë pavarësisht nga feja apo etnia.
Lufta civile 14-vjeçare vrau gati gjysmë milioni njerëz dhe zhvendosi miliona të tjerë. Infrastruktura e Sirisë është në rrënoja dhe sanksionet ndërkombëtare mbeten një pengesë e madhe për rindërtimin.
Vizita në Paris po shihet nga afër si një provë e mundshme e gatishmërisë së Evropës për t’u angazhuar me udhëheqjen e re të Sirisë.