Kryetari i Bashkimit Demokratik për Integrim, Ali Ahmeti sot më 5 Maj ditën e dëshmorëve përmes një postimi ka shkruar se në këtë ditë ërulemi me pietet dhe krenari para kujtimit të dëshmorëve që sakrifikuan jetën për lirinë, dinjitetin dhe të ardhmen e kombit tonë, shkruan Top24
Ali Ahmeti
5 Maji – Nderim për Dëshmorët e Kombit
Sot, më 5 Maj, përulemi me pietet dhe krenari para kujtimit të dëshmorëve që sakrifikuan jetën për lirinë, dinjitetin dhe të ardhmen e kombit tonë.
Jeta dhe gjaku i tyre i derdhur janë themeli mbi të cilin ndërtojmë rrugëtimin tonë drejt barazisë, drejtësisë dhe integrimit. Dëshmorët nuk janë vetëm kujtim i së kaluarës, por frymëzim i përditshëm për të mos u dorëzuar asnjëherë përballë sfidave.
Sakrifica e tyre na obligon që të vazhdojmë përpjekjet me përkushtim, në shërbim të të gjitha gjeneratave që do të vijnë.
Lavdi e përjetshme të gjithë dëshmorëve të kombit!