Arben Taravari deklaroi se, nëse do të vendosin të bashkëpunojnë me BDI-në, nuk do të duan të jenë pjesë e qeverisë, shkruan TV21. Ai tha se bashkëpunimi me VLEN-in është tashmë derë e mbyllur, ndërsa bashkëpunimet e ardhshme do të varen nga struktura demografike e komunave. Taravari përsëriti se, në rast të bashkëpunimit me ndonjë parti opozitare, Aleanca do të largohet nga qeveria.
“Në momentin që do të vendosim, në momentin që kryesia e partisë do të vendosë të shkojë me BDI-në, as që duam të jemi pjesë e qeverisë. Por tash për tash, Kryesia Qendrore ka vetëm një vendim: të dalim me listat tona për këshilltarë komunalë. Për bashkëpunime, tani e shoh se me VLEN-in është derë e mbyllur. Në bazë të strukturës demografike të ndonjë komune, ashtu do të jenë edhe bashkëpunimet. Ne jemi parti autonome. Vendosim dhe i sjellim të gjitha vendimet në organet tona partiake. Kur të sjellim, ose nëse sjellim, një vendim për të bashkëpunuar me ndonjë parti që nuk është në qeveri, nuk e shohim më veten të jemi pjesë e qeverisë”, u shpreh Taravari.