(Nga:Medai Shaholli)
Kë të marrë e kë të lë, ky është halli i kryekomitit Micko në qeverinë e koalicionit me servilët shqiptarë, ku ai duhet të vendosi se ta mbajë apo ta flak tutje si limon të shtrydhur doktor Benin pas presionit të vredistëve që thonë se edhe me qeverinë edhe me DUI-n nuk mundet!
Vredistët mendojnë se Mickua do i dëgjoj ata pasi janë shumicë dhe kanë 9 deputetë në “kandarin” e koalicionit dhe se për këtë favor ata janë të gatshme për sakrilegje të gjithëllojshme vetëm e vetëm për t’i kënaqur epshet e kryekomitit në pallatin e bardhë sa herë ai të dojë ndonjë “vleniçkë” në kabinetin e tij për t’u siguruar se ata janë faktor në kampin shqiptar dhe jo dikush tjetër.
Sa herë duan vredistët të duken VIP-a para shqiptarëve ja mësyjnë drejt Prishtinës te baba Bini për t’i thënë “makedonve” se ja ne jemi “faktorë të rëndësishëm në državën Severna”, por në fakt baba Bini nuk e çanë trapin për “makedont” dhe nuk i bie ndërmend nëse janë gjalle apo vdekur, ndryshe do i kishte bërë presion autoriteteve të Shkupit se shqiptarët nuk shifra por pjesë e kombit shqiptar!
Në realitet Mickua nuk i bën “hesap” turkomanët e VREDI-it pasi e njeh etjen e tyre për pushtet si dhe nivelin intelektual e kapacitetet e tyre të dyshimta performuese.
Ai e njeh këtë shpurë të intelektualëve gjysmakë dhe deledash, se nuk mund t’i mbajnë premtimet për faktin e thjeshtë se ata në koalicionin qeveritar janë thjesht numra që ngrejnë kartonët e gjelbër sa herë që ia kërkon kryekomiti Micko.
Kjo tajfë turkomanësh vetëkenaqet me suksese inekzistente duke u kapërdisur korridoreve te pallatit të bardhë si “faktorë te rëndësishëm” para shqiptarëve, por pasi i kanë premtuar shqiptarëve ndryshimin brenda gjashtë muajve dhe nuk e realizuan, menduan ta shtynë për 1 vit premtimin për ndryshimet kushtetuese, kur e panë se despoti i tyre nuk lëviz asnjë milimetër nga qëndrimet e tij për mos t’i bërë ndryshimet kushteruese pa marrë më parë garanca të forta nga BE.
Fundja, vendimin për ta larguar apo jo nga qeveria e koalicionit ASH-në e merr kryekomiti Micko dhe jo VREDI!
Mbetet për t’u parë nëse Micko do t’i dëgjojë ankesat e “shfalerkave” VREDI-t për t’i larguar nga qeveria “shfalerkat” e tjera aleanciste ose do t’i mbajë të dy palët si vasale të pushtetit.